EL RITMO DE LA HISTORIA
Mezu honen
bidez gonbidatu egin nahi zaituztegu Joaquín Maya Musika Eskola Bereziak
eskainiko duen hurrengo kontzertu didaktikora: El ritmo de la historia (África). Kontzertua Eskolako ekitaldi-aretoan
izanen da, otsailaren 9an, ostegunarekin, 17:30ean.
El ritmo de la historia deituriko musika-proiektuaren bidez jauzi eginen dugu
halako mundu batera non ezagutuko baitugu historiako instrumentu-familia
antzinakoenetako bat: perkusio-instrumentuak, alegia.
Hain zuzen, proiektuak
afrikar kontinenteko –perkusio-instrumentuen sorlekua– zenbait tokitan
erabiltzen diren perkusio-instrumentu, -erritmo eta -musikak jorratuko ditu.
Gizakiak
erabilitako instrumenturik sinple eta antzinakoenetako batzuk entzungo ditugu, baita
Afrikako hainbat eskualdetako instrumentuak eta gaur egun ia denok ezagutzen
ditugun instrumentu eta musikak ere.
Nafarroako Goi
mailako Musika Kontserbatorioko ikasle eta irakasleek osatzen dute Dudumbé
Percussion Group taldea, zeina 2008an sortu zen Salvador Tarazona perkusio-irakasle
eta fundatzailearen ekimenez; harrezkero, taldeak kontzertu andana eman ditu
Nafarroako hiriburuko auditoriumetan, baita Foru Komunitateko Bigarren
Hezkuntzako Institutuetan eta Kontserbatorioetan ere.
No hay comentarios:
Publicar un comentario